miércoles, 19 de octubre de 2016

20 de outubro Día Mundial da proba rápida de VIH

Con motivo da celebración do día Mundial da proba do VIH, no Centro de Anticoncepción e Sexualidade da Coruña, organizamos as xornadas de portas abertas no servizo da proba rápida, do día 19 ao 21 de outubro, sin cita previa.


Lembra que ...

O VIH non se detecta nas analíticas rutinarias. Ninguén pode realizarche a proba se ti non a solicitas e das o teu consentimento.
A atención é anónima e o resultado será sempre confidencial: Só ti decides a quen llo dis.

Cres ter tido unha práctica de risco?

Non o deixes pasar!
Faite a proba e o persoal do centro valorará, en caso de obter un resultado reactivo, se debes repetila e cando.

Cando facela?

-Se tiveches relacións con penetración (anal, vaxinal ou oral con exaculación) sen preservativo cunha persoa con VIH.
-Se tiveches relacións con penetración (anal, vaxinal ou oral con exaculación) sen preservativo e non coñeces o estado serolóxico da outra persoa.
-Se o preservativo se rompe ou queda retido.
-Se vas deixar de utilizar preservativo.
-Cando non deixaches claro coa túa parella se a vosa relación é exclusiva.

A maioría dos pronósticos son tardíos, por iso se tes dúbidas, podes visitarnos no Centro de Anticoncepción e Sexualidade sito na Ronda de Nelle, 126, baixo B, na Coruña.

Realizamos a proba rápida de detección de anticorpos de VIH en horario:
LUNS e VENRES de 10:00 a 14:00 hrs.
MARTES e MÉRCORES 17:00 a 20:00 hrs.

TELF. DE CITAS PREVIAS E ASESORÍAS: 881 916 869