viernes, 23 de diciembre de 2016

Os colexios galegos dispoñen dun protocolo contra a discriminación dos transexuais

Para evitar a discriminación dos menores transexuais nos centros escolares, os colexios galegos teñen un protocolo para que o profesorado saiba como actuar nestes casos. A asociación Arelas asesorou no último ano 36 familias de menores transexuais en Galicia.

A asociacion Arelas denuncia que na maior parte dos casos os menores transexuais sofren burlas e discriminación por parte do alumnado. O protocolo aprobado pola Consellería de Educación dálles pautas aos colexios para que se respecte a identidade de xénero. Por exemplo, dirixirse aos menores transexuais co nome que senten como propio.

Outra medida é que os menores transexuais poidan empregar os vestiarios e os baños acordes coa súa identidade de xénero. O protocolo tamén prevé accións formativas dos docentes e do alumnado.

A asociacion Arelas asegura que o protocolo, aprobado a finais do curso pasado, non é aínda suficientemente coñecido nos colexios e reclaman un maior esforzo da comunidade educativa para levalo á práctica.

No hay comentarios: