martes, 11 de julio de 2017
Hoxe no Parlamento de Galicia-Lei Galega de Identidade de Xénero
Trátase dunha medida moi esperada pola que os
colectivos LGTBI de Galicia levamos loitando moito tempo, dado que os avances
sociais cara ao respecto da poboación trans que se testemuña día a día non
poden consolidarse sen que as administracións avancen tamén nesta dirección.
Aínda que os apoios a esta lei foron e son
xeneralizados entre todas as persoas e grupos parlamentarios que coñecen a nosa
situación, chégannos noticias de que o Partido Popular de Galicia, que conta
con maioría absoluta na Cámara, vai votar en contra da lei, botando por terra
os dereitos dunha parte dos cidadáns aos que goberna e finalizando co noso soño
de vivir con dignidade.
Desde as asociacións LGTBI galegas non podemos
comprender este movemento, pois a nosa causa sitúase por encima de siglas ou
ideoloxías, xa que a igualdade é un principio básico en democracia que todos os
partidos deberían facer seu.
O grupo parlamentario que quere votar en contra tenta
vendernos o discurso de que as necesidades da poboación trans non son tales,
que os nosos dereitos caben nunha lei -a de 2014- cunha escasa aplicación e que
apenas recolle uns parágrafos referidos á transexualidad. Unha lei que non finaliza
coa discriminación aínda que o leve por nome, pois non despatologiza nin
recolle aspectos cruciais como as nosas dificultades no sistema sanitario,
educativo e legal.
Engadimos ademais que o proxecto de Lei Galega de
Identidade de Xénero, feito desde e para colectivo trans e as súas familias ten
o apoio maioritario do colectivo LGTBI de Galicia e do resto do Estado, entre
elas a Federación Estatal da Plataforma de dereitos Trans (achegamos comunicado).
Etiquetas:
derechos sexuales,
legislación,
transexualidad
Suscribirse a:
Enviar comentarios (Atom)
No hay comentarios:
Publicar un comentario