A Guarda Diversa. visibilizar ao colectivo LGTBIQ+ mediante varias accións, de xeito online, entre o 15 e o 27 de xuño de 2020.

O Concello de A Guarda, a través do Centro de Información á Muller e da Concellería de Igualdade coa colaboración de Sara Uris, responsable do proxecto Transformando Realidades, pon en marcha este ano o proxecto “A Guarda Diversa”, de cara a visibilizar ao colectivo LGTBIQ+ mediante varias accións, que terán lugar nas redes sociais e de xeito online, entre o 15 e o 27 de xuño de 2020.

Entre as accións programadas destacan a realización de 5 directos a través de redes sociais, dirixidos e coordinados por Sara Uris, nos que se contará coas experiencias de persoas moi vinculadas a este colectivo e que amosarán, dun xeito ameno e de proximidade, como é a realidade do colectivo LGTBIQ+ dende diferentes puntos de vista. Os directos realizaranse ás 19:30h, dende o perfil de Instagram de @transformando.realidades.