miércoles, 20 de noviembre de 2013
O día 25 celebrarase no campus un faladoiro co gallo do Día Internacional da Violencia de Xénero
Nove horas de lectura en prol da igualdade precisan
da túa voz.
Están convidados a participar todos os cidadáns que o
desexen
Cando un problema se verbaliza ábrese a porta á busca
dunha posible solución para el.
Deste xeito, na loita contra a desigualdade e
contra a violencia de todo tipo un dos aspectos nos que se fai fincapé é na
necesidade de visibilizar estas situacións e alzar a voz para que non se sigan
producindo. O día 25 de novembro, o campus de Ourense celebrará un faladoiro no
que se convida aos membros da comunidade universitaria e a toda a cidadanía a
participar en nove horas de lectura ininterrompida a prol da igualdade e en
contra da violencia de xénero.
A cita, que se enmarca dentro da programación
organizada pola Vicerreitoría do campus co gallo do Día Internacional contra a
Violencia de Xénero, terá lugar na Sala Emilia Pardo Bazán, no soto do Edificio
de Ferro, desde as 11.00 h e ata as 20.00 h. “Queremos que todos os membros da
comunidade universitaria e os cidadáns que o desexen se animen a participar
nesta iniciativa, que presten a súa voz a unha causa tan importante para a nosa
sociedade. As portas do faladoiro estarán abertas a todos aqueles e aquelas que
queiran unirse a esta iniciativa”, destaca Yolanda Rodríguez, docente
coordinadora da actividade.
Etiquetas:
convocatorias,
igualdad y género,
violencia de género
Suscribirse a:
Enviar comentarios (Atom)
No hay comentarios:
Publicar un comentario