QUÉ PASOU?
viernes, 24 de mayo de 2013
EN DEFENSA DA SAÚDE DAS MULLERES!!!
NON A
REDUCCIÓN DE SERVIZOS XINECOLÓXICOS NOS CENTROS DE ORIENTACIÓN FAMILIAR (COF)
QUÉ PASOU?
A finais do ano pasado o SERGAS decidiu deixar baleira a praza de xinecoloxía
do COF (Centro de Orientación Familiar) do Ventorrillo. Isto ía deixar a 152.000 mulleres de 32 municipios da
Coruña con somentes 2 xinecólogas/os do
COF de Orillamar para atender revisións xerais e atención primaria nesta
especialidade. Alén diso, ía aumentar considerabelmente a lista de espera, que
era na actualidade de 6 meses no Ventorrillo e de 1 ano en Orillamar.
QUÉ ESTÁ A
PASAR AGORA?
A presión cidadá, o apoio de diferentes colectivos e
as manifestacións de protesta acadaron que o SERGAS destinase unha xinecóloga dos servizos de atención xinecolóxica ao COF, pero de xeito
precario. Esta xinecóloga atende as mulleres que demandan a súa a tención únicamente unha tarde á semana - a do martes – e está ubicada
no Hospital Materno e non co resto do equipo de profesionais do COF
Ventorrillo, aspectos que perxudican a
calidade e eficiencia na atención as mulleres.
O SERGAS non
está informando as mulleres usuarias e a cidadanía deste cambio de horario
e de lugar na atención xinecolóxica. Queren que este servizo deixe de
funcionar, para poder afirmar que o traballo do COF é inútil e así interromper
a súa actividade.
Mentres tanto, o persoal de saúde que continúa no
centro de Orillamar segue sobrecargado de traballo sen ningún tipo de
explicación e sen atender á súa propia saúde física, mental e laboral.
QUÉ
QUEREMOS?
● Queremos un servizo sanitario de calidade con
suficientes profesionais para atender de forma axeitada o alto número de
mulleres que vivimos nesta área.
● Queremos que se dé resposta ás demandas das
profesionais dos COF que son as que directamente coñecen as necesidades reais
das mulleres e nas que nós, as mulleres da Coruña, confiamos.
● Queremos que as institucións recoñezan, manteñan e
poñan todos os medios e recursos necesarios para a mellora dos COF, e o acceso
de todas as mulleres aos mesmos.
● Queremos que se reduzan as listas de espera e que
se melloren as condicións laborais das traballadoras e traballadores da Saúde
Pública.
QUÉ PODEMOS
FACER?
● Apoiar as convocatorias, comunicados e accións
organizadas pola Plataforma de Apoio aos COF. Información disponibel nos COFs,
internete (facebook, twitter, etc) e medios de comunicación.
● Cubrir as follas de reclamacións (xenéricas ou
específicas) disponibeis en calquera centro de saúde, de especialidades,
atención primaria ou nos COF, demandando que se cubra a praza de xinecoloxia do
Ventorrillo e se manteña o funcionamento habitual dos dous COFs da Coruña.
Apoian:
Plataforma pola defensa e mellora da sanidade pública
SOS- Sanidade Pública A Coruña; Plataforma polo dereito a decidir en Galicia; Federación
de AA.VV de A Coruña e Área Metropolitana; Nomepisesofreghao; Obervatorio
feminista de Saúde; Observatorio Mariña pola Igualdade; Comisión da Muller da
Agrupación Cultural Alexandre Bóveda; Colectivo Meigas Radioactivas; AGASEX;
PSOE; BNG; Esquerda Unida; Anova; Corrente Vermella; CC.OO; CIG; CUT;
Xuventudes Socialistas; IESGA; Xuventudes EU; Galiza Nova
Suscribirse a:
Enviar comentarios (Atom)
No hay comentarios:
Publicar un comentario