Laura Rodríguez: “Todas podemos ser vítimas de violencia de xénero, niso non hai discriminación”

As cifras din que levamos xa 63 mortas –dúas en Galicia– por violencia contra a muller, unha data que se conmemora este xoves. Pero para Laura Rodríguez Manso, que non solta o móbil durante toda a entrevista, detrás de cada caso hai unha persoa. Hai menos dun ano que chegou ao un posto que “non deixaría”, aínda que ás veces “é moi difícil desconectar”. Pero tamén ten algunhas alegrías. “Cando fun á casa de acollida, vin moitas mulleres que están empezando a saír adiante e vin a ilusión das súas caras –lembra–; ese día deume forzas para vir ao despacho e seguir traballando”. +