NOVAS INSTALACIÓNS PARA O CENTRO DE ANTICONCEPCIÓN E SEXUALIDADE PARA A MOCIDADE

O vindeiro xoves 15 de setembro o Centro de Anticoncepción e Sexualidade para a Mocidade inaugurará un novo local na Ronda de Nelle, 126, baixo dereito na cidade da Coruña, co obxectivo de intensificar o número de asesorías en saúde sexual que se viñan facendo en dita cidade dende o ano 2004.

O centro está enmarcado no Programa Xove para a saúde afectivo sexual dirixido a mozos e mozas e que xorde como tal no ano 1991 en Santiago de Compostela. Conta ca financiación do Ministerio de Sanidad y Política Social, dentro do Plan Nacional da sida e co cargo do I.R.P.F. destinado a "Otros Fines de Interés Social".

Está xestionado pola Federación de Planificación Familiar Estatal (FPFE) e conta ca colaboración da Asociación Galega para a Saúde Sexual (AGASEX).

Este centro ten como finalidade facilitar información e educación sexual precisa e revelante, baseada nas características específicas da xuventude e plantéxase como complemento da rede sociosanitaria existente en cada Comunidade Autónoma, neste caso Galicia.

Os obxectivos de traballo do Programa Xove son entre outros, proporcionar ás personas mozas o acceso a servizos de anticoncepción e sexualidade, facilitar o acceso aos métodos de prevención dos embarazos non planexados e das infeccións de transmisión sexual e informar e promover actitudes preventivas ante o VIH/Sida.

O programa enmárcase nas recomendacións establecidas por diversos organismos internacionais, como a Organización Mundial de la Salud, a Federación Internacional de Planificación Familiar e Naciones Unidas, que destacan a importancia de intervir activamente na saúde sexual da xuventude a través de programas eficaces que contribúan a unha vivencia da sexualidade positiva e á promoción do benestar e do pracer na vivencia persoal desta, entendida moito máis amplamente que a mera reducción de riscos.

Servizos prestados: Asesoría sexual, anticoncepción de continuidade e de emerxencia, detección e asistencia en caso de abusos e agresións sexuais, asesoramento e derivación en demanda de interrupción voluntaria do embarazo, consello asistido sobre infeccións de transmisión sexual e VIH/Sida, proba rápida de detección do VIH, actividades educativas, atención ao embarazo adolescente en coordinación cos servizos especializados.

Todas as asesorías son gratuitas, confidenciais e anónimas. Para solicitar a proba rápida do VIH necesítase pedir cita no telf. 881916869.

HORARIO

Luns de 11:00 a 15:00 hrs.
Martes, Mércores e Xoves de 17:00 a 21 hrs.
Venres de 12:00 a 15:00 hrs.

(OS MÉRCORES PROBA DE RÁPIDA DE VIH)

* SÁBADOS E DOMINGOS SÓ ASESORÍAS TELEFÓNICAS (de 10:00 a 22:00 hrs) NA LIÑA SEXJOVEN: 608 10 23 13