Empleo y formación Mujeres Tercer Sector
Entidad: Universidade de Santiago e Concello de Lalín
Correo-e: cursosdeveran@usc.es
Modalidad: Presencial
Localidad: Auditorio Municipal de Lalín
Fecha límite: 04/07/14 Fecha de inicio: 15/07/14 Fecha de finalización: 18/07/14
Descripción:
O curso desenvolverase integramente entre os días 15 e 18 de
xullo de 2014 no Salón Teatro do Auditorio Municipal de Lalín (Praza do Parque,
s/n) en horario de mañá e tarde.
Trátase dun curso imprescindible no momento actual, e cunha
programación ambiciosa, na que se abordarán aspectos, contidos e problemáticas
de gran interese no momento actual, e no que intervirán profesionais e
destacadas expertas e expertos que traballan cara a igualdade de oportunidades,
cun enfoque multidisciplinar e dende diferentes ámbitos de actuación de todo o
territorio nacional e internacional, Universidades, Administracións,
Asociacións, Fundacións, Empresas,...
Isto é posible grazas a colaboración institucional e privada, xa
que o curso coorganizado pola Universidade de Santiago, a través do instituto
de Ciencias da Educación (ICE) e o Concello de Lalín, a través da Oficina de
Igualdade, conta co apoio da Secretaría Xeral da Igualdade, Fondo Social Europeo,
Instituto de la Mujer, FEGAMP, CESI-F, ICE, CeMIT, AMFAR Galicia e Gráficas
DIM.
Obxectivos do curso:
Incrementar a conciencia sobre a violencia de xénero na
sociedade civil, a fin de non limitar o debate sobre os medios para combater a
violencia só a pequenos grupos, co risco de auto-referencialidade.
Evitar a hexemonía, xeral ou parcial, e ampliar a discusión e as
achegas sobre as mellores accións de sensibilización e loita contra a violencia
de xénero
Mellorar as habilidades das/os estudiantes para contribuír a
fortalecer o protagonismo e as posibilidades, deles e delas, de influír na
comunidade.
Coñecer e analizar boas prácticas para o desenvolvemento de
actuacións igualitarias na escola mediante a revisión das ferramentas
habitualmente empregadas e a análise de novas propostas.
Facilitar o intercambio de experiencias e o aproveitamento de
materiais e recursos diversos sobre as temáticas propostas.
Incrementar o número de homes sensibilizados e que participan
activamente a favor da igualdade de oportunidades.
Promover a participación e integración entre escola e comunidade
a fin de desenvolver accións que permitan detectar os problemas educativos e
sociais que os afectan e aportar alternativas de solución que contribúan a
mellorar a sociedade na que vivimos.
Facilitar o encontro de profesionais dos distintos ámbitos de
intervención relacionados coa igualdade de oportunidades, especialmente o
profesorado, favorecendo o intercambio de experiencias e o apoio mutuo.
Entender as relacións existentes entre familia, escola,
comunicación social e igualdade de oportunidades entre mulleres e homes.
Debater sobre a educación en igualdade nos ámbitos educativo e
social, favorecendo unha reflexión sobre a igualdade como compromiso educativo.
Comprender a importancia da sensibilización para promover o
cambio de mentalidades, actitudes e prácticas en relación cos procesos
educativos que favorezan a comunicación igualitaria.
Abrir espazos de reflexión en torno ao sexismo que existe na
comunicación humana, ofrecendo alternativas e proporcionando instrumentos para
que, desde calquera ámbito, se potencie a utilización dunha linguaxe non
sexista e se trate a información desde parámetros non discriminadores.
Dispoñer de recursos (simbólicos, semánticos, gramaticais, etc) para
articular alternativas á comunicación sexista, racista, homófoba, etc.
Capacitar ao alumnado no manexo de técnicas para rachar cos
estereotipos sexistas e evitar a súa reprodución.
Fomentar un uso seguro, responsable e saudable de internet e das
diferentes redes sociais, fomentando as oportunidades e reducindo as ameazas.
Facilitar ao profesorado e ás familias o coñecemento de
potenciais perigos do uso das redes sociais (contacto con persoas extranas,
ciberbullying, acceso a contidos nocivos,...) así como o establecemento de
medidas e estratexias de protección.
Destinatarios: Alumnado universitario. Profesorado. Diplomadas/os,
licenciadas/os, doutoras/es ou profesionais que traballen en institucións
públicas ou privadas e que queiran ampliar os seus coñecementos previos, ou
incorporar por primeira vez a perspectiva de xénero e a igualdade de
oportunidades na súa practica profesional ou no seu acervo de coñecementos. Profesionais
e persoal técnico de institucións públicas e privadas: Concellos, Comunidades
Autónomas, Administración do Estado. Educadoras/es sociais. Traballadoras/es
Sociais e Orientadoras/es. Profesionais dos medios de comunicación. Community
manager e profesionais da comunicación en Social Media. Educadoras/es, ANPAs,
Asociacións sociais e/ou culturais, Fundacións, ONG´S, Partidos políticos,
Sindicatos,...
Programa:
Martes 15 de xullo VIOLENCIAS E XÉNERO
09:30 h. Inauguración oficial do curso
10:00 h. Conferencia
De que falamos cando falamos de violencia patriarcal?
Rosa Cobo Bedia, profesora titular de Socioloxía. Universidade
de A Coruña.
12:00 h. Conferencia
Recursos institucionais contra a violencia de xénero
Belén Liste Lázara, subdirectora xeral para o Tratamento da
Violencia de Xénero da Secretaría Xeral da Igualdade de Xunta de Galicia.
16:30 h. Conferencia
A violencia invisible na infancia e a adolescencia
Soledad Hernández Hernández, educadora do Centro de Menores
Santo Anxo da Garda de Rábade (Lugo).
18:30 h. Teatro-fórum
Un bo peixe
GTO: Grupo de teatro dxs oprimidxs da Coruhna
Mércores 16 de xullo ACTIVISMO PARA A IGUALDADE
10:00 h. Conferencia
Prevención e intervención da ciberviolencia de xénero: grooming,
ciberacoso e sextorsión
Jorge Flores Fernández, licenciado en informática, fundador e
director de PantallasAmigas.
12:00 h. Conferencia
100% compatibles. Redes sociais e xuventude
Ianire Estébanez Castaño, psicóloga especialista en mocidade,
redes sociais e prevención da violencia de xénero.
16:30 h. Conferencia
Activismo ciberfeminista. A experiencia de Pikara Magazine
June Fernández, xornalista. Fundadora e directora da revista
dixital feminista Pikara Magazine.
18:30 h. Conferencia
Letras para a convivencia
Ana Luisa Amaral, poeta e profesora de Poesía Anglo-Americana.
Literatura Comparada e Estudos Feministas. Universidade de Porto.
Xoves 17 de xullo PROSTITUCIÓN E TRATA
10:00 h. Conferencia
Educafectos contra o maltrato e o abuso sexual a menores
Pepa Horno Goicoechea, psicóloga e consultora en infancia,
afectividade e protección.
12:00 h. Conferencia
Prostitución, a escola da desigualdade humana
Ana de Miguel Álvarez, profesora titular de Filosofía Moral e
Política. Universidad Rey Juan Carlos de Madrid.
16:30 h. Conferencia
Violencia sexual tolerada
Mabel Lozano, documentalista e actriz.
18:30 h. Conferencia
A viaxe do invisible á responsabilidade
Péter Szil, psicoterapeuta e un dos iniciadores da rede dos
grupos profeministas de homes en Suecia.
Venres 18 de xullo MASCULINIDADES
10:00 h. Conferencia
Identidades e homofobia
Oscar Guasch i Andreu, profesor de Socioloxía. Universidad de
Barcelona.
12:00 h. Conferencia
Diversidade sexual e familiar, unha oportunidade para a escola
inclusiva
J. Ignacio Pichardo Galán, profesor axudante no Departamento de
Antropoloxía Social. Universidad Complutense de Madrid.
16:30 h. Conferencia
Crecer sen pantalóns. Mudando ao home do espello
Miguel Angel Arconada Melero, profesor de Lingua e Literatura no
Instituto Jorge Manrique de Palencia e membro fundador do grupo de hombres
igualitarios “Codo a Codo”.
18:30 h. Actuación do trío Caspervek
19:30 h. Acto de clausura e entrega de diplomas
Más información: Precio.
Importe da matrícula
Taxa xeral: 120 €
Taxa reducida: 70 €*
*Aplicable a: estudantes de calquera universidade ou en estudos
de formación profesional ou bacherelato, pensionistas, persoas desempregadas e
PDI e PAS da USC.
Nota: Todas as persoas, nacionais ou estranxeiras, que non están
cubertas polo seguro escolar obrigatorio do INSS, por non teren formalizado
matrícula en estudos oficiais na USC no curso académico 2013-14 ou ben, sendo
alumnos/as da USC neste curso 2013/14 son de nacionalidade estranxeira ou
nacionais maiores de 28 anos e non teñan contratado este seguro nos estudos nos
que formalizaron matrícula, deben subscribir, a parte do importe da matrícula
do curso de verán, o seguro obrigatorio de accidentes e asistencia en viaxe que
ten un custo de 15 €. A liquidación do importe do seguro farase no momento de
realizar a matrícula, liquidándose xunto a esta e terá validez para todos os
cursos de verán que se realicen no ano 2014.
En ningún caso será posible a devolución de taxas unha vez
realizada a matrícula, agás pola suspensión do curso.
O pagamento da matrícula debe realizarse dentro dos CINCO DÍAS
NATURAIS, contados a partir do momento de facer a inscrición. En caso
contrario, a inscrición quedará anulada.
Deberase remitir copia do resgardo do pagamento selado pola
entidade bancaria ao fax nº 881811208, escaneado ao enderezo electrónico
cursosdeveran@usc.es ou presentalo persoalmente en calquera dos dous centros de
matriculación da Universidade de Verán (Santiago ou Lugo).
Matrícula: Centros de información e matriculación
Campus de Compostela
Secretaría da Universidade de Verán
Vicerreitoría de Extensión Universitaria
Colexio de San Xerome - Praza do Obradoiro, s/n
15782 Santiago de Compostela
Teléfonos: 881 811018 e 881 811103
Fax: 881 811208
cursosdeveran@usc.es
www.usc.es/cultura
Campus de Lugo
Secretaría da Universidade de Verán
Área de Cultura do Campus de Lugo
Pazo de Montenegro, Praciña da Universidade
27002 Lugo
Teléfono: 982 821513
Fax: 982 821506
Concello de Lalín
Oficina de Igualdade – Concellería de Igualdade
Praza de Galicia, nº 1
36500 Lalín (Pontevedra)
Teléfono.- 986 78 00 14
igualdade@lalin.org
axentedeigualdade@lalin.org
www.lalin.org/igualdade
http://www.obrasocialncg.com/es/socialia/formacion/x_novas_fronteiras_na_igualdade_de_oportunidades_2.0
